(Перевод сказки ниже☺️) Нымах «Адыҷах паза Кечӧк» Iкi чиит оол улуғ нанҷы полып чуртаптырлар. Пiрсiн Адыҷах тiп адаҷаӊ полтырлар, пiрсiн, тiзеӊ, Кечӧк тiп. Удур - тӧдiр олар хыныс чӧрҷеӊнер, удур- тӧдiр турызып, хабырғадаӊ хайыс чӧрерге аасхыныс салғаннар. - Минiӊ пабам уғаа тiдiм полған, мин ағааох тӧӧйбiн. Сағаа, Кечӧк, минiнеӊ хада хараа даа тайғаҷа чӧрерге хорғыстығ полбас, - тiп, удаа чоохтан чӧрҷеӊ Адыҷах. Кечӧк, арғызын табыс-тубус чох истiп, аныӊ чоохтаан чооғын сағыста тут чӧрҷеӊ. Пiр хати олар тайғаҷа парчатханнарында, оларға удур аба сых килген. Кизiн азахтарына турып алып, хысхыр сыххан. Адыҷах, абаны кӧр салып, нанҷызына пiр дее ниме чоохтабин, ағас ӱстӱне сығып алған. Кечӧк абаны кинетiн кӧр салған, ағас ӱстӱне сығарға маӊнанмин, ол, андарыл парып, ӧлеечiк полыбысхан. Аба, аныӊ хырина килiп, ибiре чыстағлап алып, аны ӧлiг тiп сағын салған полар чи, позыныӊ чолынҷа тайғазарох чӧрiбiскен. Аба парыбысханда, Адыҷах, ағас ӱстӱнеӊ тӱзiп алып, нанҷызынаӊ сурча: - Синнеӊ аба чоохтасты ба? - Чоохтасхан. - Ниме тiпче ол сағаа? - Син, Кечӧк, ағас ӱстӱне тииннеӊ дее табырах сыхчатхан паза позыныӊ на тынынаӊар сағыссырапчатхан арғыснаӊ хада хаҷан даа тайғаа чӧрбе теен. Аннаӊ пеер хакастарныӊ мындағ чоох кипке кiрген полтыр: «Обал чохта – нанҷыны пiл полбассыӊ, хыйал чохта – хонҷыхты пiл полбассыӊ». Сказка «Адыҷах и Кечӧк» Жили два парня. Были они большими друзьями. Одного звали Адычах, другого — Кечох. Дали они клятву не покидать друг друга в беде. — Мой отец очень храбрый. Я весь в него пошел. Ты, Кечох, со мной не пропадешь,— говорил Адычах. Кечох молча выслушал своего друга и хорошо запомнил его слова. Как-то шли они по тайге. Навстречу им медведь. Адычах мигом оказался на дереве. Кечох упал на землю и притворился мертвым. Медведь подошел к нему, обнюхал лицо и заковылял в тайгу — мертвых медведи не трогают. Адычах подождал, пока медведь ушел, слез с дерева и спросил у товарища: — Что тебе медведь говорил? — Он сказал: никогда не ходи в тайгу с другом, который только о себе думает... С тех пор появилась у хакасов пословица: «Без беды друга не узнаешь». https://t.me/khakas_tili